Տուն գնելը, բացի կարևորագույն և ուրախալի իրադարձություն լինելուց, միշտ եղել և լինելու է կարևոր ներդրում: Իսկ բանկային վարկավորմամբ տան ձեռքբերումը կամ վերանորոգումը նաև Ձեր խոշորագույն ֆինանսական գործարքներից է: Այդ պատճառով ճիշտ որոշում կայացնելու համար անչափ կարևոր է, որպեսզի Դուք լինեք առավել իրազեկված և տեղեկացված:

Շատ բան է կախված նրանից, թե որքան եք Դուք տեղեկացված: Նախևառաջ, Ձեր տեղեկացվածությունը էապես կարող է փոխել վարկատուի վերաբերմունքը: Բացի այդ, տարբեր պայմանների և ծուղակների մասին իրազեկ լինելով` Դուք ոչ միայն կօգնեք վարկատուին ճիշտ որոշում կայացնել Ձեզ վարկ տալու վերաբերյալ, այլև կգտնեք վարկավորման ամենալավ և հարմար տարբերակը, ինչի արդյունքը զգալու եք տասը և ավելի տարիեր շարունակ: