Ձեռնարկն օգնում է վերհանել բանկային գործունեության համատեքստը` ռիսկերի կառավարման տեսանկյունից: Այն շատ ողջունելի և արդիական է: Զարմանալի չէ, որ ֆինանսական համակարգի գլոբալիզացիան կտրուկ կերպով մեծացրել է ռիսկերի շրջանակը, որը բանկը սովորաբար կուտակում է իր առօրյա գործունեության ընթացքում: Համապատասխանաբար, այս ռիսկերի արժևորման և կառավարման դժվարությունը շարունակում է մեծանալ: Եթե համակարգչային տեխնոլոգիաները մեծացող մարտահրավերների դեպքում կարող են փոփովել, ապա բանկային ոլորտը շարունակաբար գտնվում է ճնշման տակ՝ ստիպված լինելով մշակել վերլուծական տեսություն և կանխարգելման գործիքներ` ռիսկերի կառավարման մեծացող դժվարությունների հաղթահարման համար: Այնպիսի շուկաների ի հայտ գալը և արագ աճը, ինչպիսիք են, օրինակ, ունեցվածքի արժեթղթավորումը և ածանցյալ փոխառությունները, վկայում են առաջընթացի մասին: Այսպիսով, առանց հիմնական իրացնելիության, կապիտալի, տոկոսադրույքի և վարկային ռիսկերի կառավարման վերաբերյալ ճշգրիտ հեռանկարի առկայության, բանկային գործի ցանկացած գործնական ուսումնասիրություն թերի կլինի: