Բանկային համակարգի գործունեության ընթացիկ տարվա առաջին և երկրորդ եռամսյակների արդյունքները ցույց են տալիս, որ բանկային համակարգն ապրում է կայուն առաջընթաց: 2011 թ-ի երկրորդ եռամսյակի ընթացքում համակարգը գործել է բնականոն հունով` ապահովելով գրեթե բոլոր հիմնական ցուցանիշների գծով համեմատական բարձր աճ: Բնականոն ընթացք է ստացել ֆիզիկական անձանց վարկավորման գործընթացը, աճել մատուցվող ծառայությունների ծավալը, ֆիզիկական և իրավաբանական անձանցից ներգրավված ժամկետային ավանդների ծավալը, ինչպես նաև նախորդ տարվա նույն ժամկետի համեմատ ապահովվել է մաքուր շահույթի զգալի աճ: